Buhari message to all Nigerians on Eid-el-Kabir – BBC News Pidgin

Nigeria President Muhammadu Buhari don ask Nigerians to continue to dey show goment more understanding as di kontri dey fight di coronavirus.

For im message to wish Muslims Eid-el-Kabir, im ask say make kontri pipo see di guidelines as something wey dey necessary and not to block dia human rights.

“I wish all Muslims a happy and fulfilling Eid El Kabir celebration. We fit create di greatest impact by putting to practice di ogbonge teachings of our religion. We must put di fear of God in our daily activities in order to make our society better.”

“I go like to call on Muslims and oda faithful to continue to show more understanding with di goment as we take steps to protect our pipo throufgh social distancing and oda guidelines.”

“Di guidelines na necessity in order to safeguard public health, make nobody look am like say na means to block pipo right to worship.” Buhari tok for statement.

President Buhari wey add say Covid-19 don affect di world and limit pipo freedom to gather and worship for both church and mosques ask for more understanding from everybody to overcome di pandemic.

Before now, di president don already tok say im and im family go celebrate di day inside house sake of di coronavirus palava.

© 2020 BBC. De external site no concern BBC. De way wey we de take go external link.

Source: https://www.bbc.com/pidgin/tori-53605460

Happy Eid El Kabir,eid el kabir,Sallah,eid el kabir 2020

World news – NG – Buhari message to all Nigerians on Eid-el-Kabir – BBC News Pidgin

Leave a Reply

Your email address will not be published. Required fields are marked *